हेटौंडाः मकवानपुर सहकारी अस्पताललाई २ वटा ह्विल चियर सहयोग गरिएको छ । लायन्स क्लब इन्टरनेशनल ३२५ बी २ मल्टिपल च्याप्टरद्वारा हेटौंडा–१ स्थित सहकारी अस्पतालमा उपचारका लागि आउने अशक्त व्यक्तिको उपचारमा सहजता होस् भनी ह्विल चियर सहयोग गरिएको हो ।
लायन्स क्लबका डिष्ट्रिक्ट डेप्युटी एडभाइजर विष्णु गोपाल महर्जनको प्रमुख आतिथ्यमा अस्पताल संचालक समितिका सचिव संग्राम श्रेष्ठलाई ह्विल चियर हस्तान्तरण गरिएको थियो । कार्यक्रम एरिया २ का को–चिफ किशोर टण्डनको सभाध्यक्षतामा भएको हो । यसअघि लायन्स क्लबले हेटौंडा अस्पताललाई ४ वटा ह्विल चियर सहयोग गरेको थियो ।
