हेटौंडाः आज सोमबार हेटौंडामा १ सय ४१ जनाको स्वाब संकलन गरिएको छ ।
कोभिड १९ को आरटी÷पिसिआर विधिबाट परिक्षण गर्ने क्रममा हेटौडा–१० स्थित गोरक्षश्वर धाममा रहेको स्वाब संकलन केन्द्रबाट आज सोमबार १ सय ४१ जनाको स्वाब संकलन गरिएको हेटौंडा उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो । स्वाब संकलन गराउनेमा ६२ जना महिला र ७९ जना पुरुष रहेका छन् ।
पछिल्लो दिनयता हेटौंडामा स्वाब संकलन बढ्दै गएको छ । हिजो आइतबार १ सय ३५ जनाको स्वाब संकलन गरिएको थियो भने शुक्रबार १ सय १० जनाले स्वाब संकलन गराएका थिए ।
