हेटौंडाः हेटौैंडा–१० स्थित भुटनदेवी मन्दिर व्यवस्थापन समितिलाई बसामाडि जेसिआइले २० थान कुर्सी दिएको छ । बसामाडी जेसीआईको सप्ताव्यापी कार्यक्रम अन्तर्गत आइतबार दिप प्रज्वलन गरी भुुटनदेवी मन्दिर व्यवस्थापन समितिका अध्यक्ष राममान श्रेष्ठलाई बसामाडी जेसिआइका अध्यक्ष गौतम केसीले कुर्सी हस्तान्तरण गर्नुभएको हो ।
आइतबारदेखि असार २६ गतेसम्म बसामाडी जेसिआइको जेसीज सप्ताह अन्तर्गत विभिन्न कार्यक्रमहरु हुने अध्यक्ष केसीले बताउनुभयो । कुर्सी हस्तान्तरण कार्यक्रममा नेपाली कांग्रेस मकवानपुरका नेता अशोक शाक्यको प्रमुख आतिथ्य रहेको थियो ।
