हेटौंडाः हेटौंडा अस्पतालको कोभिड उपचार कक्षमा उपचाररत २ संक्रमितको मृत्युभएको छ । शुक्रबार दिउँसो एक पुरुष र एक महिलाको मृत्यु भएको अस्पतालले जनाएको छ ।
हेटौंडा–७ का ४० वर्षीय पुरुष र हेटौंडा–४ की ३७ वर्षकी एक महिलाको मृत्यु भएको हो । दुवैको आधा घण्टाको अन्तरमा मृत्यु भएको थियो ।
दिउँसो ४ बजेर ४५ मिनेटमा पुरुष र ५ बजेर ३० मिनेटमा महिलाको मृत्यु भएको अस्पतालका कोभिड इन्चार्ज डा. सागर काफलेले जानकारी दिनुभयो ।
