हेटौंडाः हेटौंडा फुटबल एकेडेमीका खेलाडीहरुलाई नगद र अण्डा सहयोग प्राप्त भएको छ । बुधबार एकेडेमीलाई ५ हजार रुपैयाँ र अण्डा सहयोग प्राप्त भएको हो ।
मदन भण्डारी स्पोर्ट्स एकेडेमी मकवानपुरका अध्यक्ष प्रकाश सुवेदीले बुधबार बिहान हुप्रचौरमै पुगेर खेलाडीलाई भेटी सहयोग प्रदान गर्नु भएको हो । उहाँले एकेडेमीलाई बट्टाई चराका १५० वटा अण्डा र ५ हजार रुपैयाँ नगद प्रदान गर्नु भएको हो । खेलाडीहरु शारीरिक र मानसिक रुपले स्वस्थ र मजबुत रहनुपर्ने र यसका लागि बट्टाईको अण्डा फाइदाजनक रहेको भन्दै खेलाडीहरुलाई अण्डा प्रदान गरेको उहाँले बताउनुभयो ।
सुवेदीले हेटौंडा फुटबल एकेडेमीका अध्यक्ष भिम लामालाई सहयोग हस्तान्तरण गर्नुभएको हो । आगामी दिनमा पनि उहाँले निरन्तर सहयोग गर्ने प्रतिबद्धता समेत जनाउनु भएको छ ।
