हेटौंडाः बाराको सिमरामा जारी विश्वकर्मा सिमेन्ट ११ औं जितपुर सिमरा गोल्डकप नकआउट फुटबल प्रतियोगिताको अन्तिम क्वार्टरफाइनल खेलमा आज मंगलबार हेटौंडाको विजय युथ क्लबले संकटा क्लबको सामना गर्दैछ ।
यसअघि सुदूरपश्चिम ११ लाई २–० गोलले स्तब्ध पार्दै क्वार्टरफाइनल प्रवेश गरेको विजय युथले आज १९ औं आहा रारा गोल्डकपको उपाधि विजेता संकटाको सामना गर्ने भएको हो ।
नवजनजागृति युवा क्लबको आयोजना तथा जितपुर सिमरा उपमहानगरपालिकाको विशेष सहयोगमा जारी प्रतियोगिताको विजेताले उपाधिसहित नगद ७ लाख हात पार्नेछ भने उपविजेताले ३ लाख ५० हजार प्राप्त गर्नेछ । फाइनल खेल यहि बैशाख ११ गतेका दिन हुनेछ ।
