हेटौंडाः ६४ औं राष्ट्रिय सहकारी दिवसको अवसरमा रक्तदान कार्यक्रमको आयोजना गरिएको छ । हेटौंडा–१७, हटियास्थित अशोकबाटिका बचत तथा ऋण सहकारी संस्था लिमिटेडको १६ औं स्थापना दिवस एवम् ६४ औं राष्ट्रिय सहकारी दिवसको अवसरमा रक्तदान कार्यक्रम भएको हो ।
रक्तसञ्चार केन्द्र हेटौंडाको प्राविधिक सहयोगमा आयोजना गरिएको कार्यक्रममा २५ जनाले रक्तदान गरेका छन् । सहकारीका अध्यक्ष योगनाथ दंगालको अध्यक्षता तथा हेटौंडा उपमहानगरपालिका १७ नम्बर वडा अध्यक्ष भैरव बहादुर राईको प्रमुख आतिथ्यमा रक्तदान कार्यक्रम भएको हो ।
