हेटौंडाः हेटौंडाका व्यवसायी उमेश बनियाले आमाबुबा देवी र रामेश्वरलाल दास बनियाको बैवाहिक बर्षगाँठको उपलक्ष्यमा एक छाक खाना सहयोग गर्नु भएको छ ।
बैवाहिक बर्षगाँठको उपलक्षमा शनिबार मानवसेवा आश्रममा आश्रित २ सय ४० जनालाई रोटरी क्लब अफ मकवानपुरको आयोजनामा खाना सहयोग गरिएको हो । क्लबका अध्यक्ष कविन सांगामीको अध्यक्षतामा भएको कार्यक्रममा क्लबका जीएसआर सिद्धिलाल श्रेष्ठको प्रमुख आतिथ्य रहेको थियो । कार्यक्रममा संस्थापक अध्यक्ष ज्ञानकृष्ण प्रजापति, पूर्वअध्यक्ष विजयलाल श्रेष्ठ र रोटर्याक्ट क्लब अफ मकवानपुरका अध्यक्ष महेन्द्र रानामगरको सहभागिता रहेको थियो ।
