हेटौंडाः हेटौंडा–४, कमलडाँडास्थित रोशनी पुस्तकालयको आयोजनामा हिज्जे प्रतियोगिता भएको छ । गत सातादेखि रोशनी पुस्तकालयले शनिबारका दिन विविध कार्यक्रम आयोजना गर्न सुरु गरेको हो ।
शनिबार भएको हिज्जे प्रतियोगितामा जेनिसा अधिकारी, प्रिन्स न्यौपाने र प्रसङ्ग श्रेष्ठको समुह प्रथम भएका छन् । प्रथम भएसँगै तीनै जनाले जनही एक सय रुपैयाँ बराबरको कलम, कापी पुरस्कार प्राप्त गरेका छन् । प्रतियोगितामा २० जना बालबालिकाको सहभागिता रहेको थियो । गत साता पुस्तकालयले हाजिरीजवाफ प्रतियोगिताको आयोजना गरेको थियो ।
