हेटौंडाः बस्तीपुर जेसीज हाँडीखोलाको ११ औं स्थापना दिवसको अवसरमा खेलकुद सामाग्री हस्तान्तरण गरिएको छ । स्थानीय युवा क्लवहरुलाई क्रिकेट, भलिबल र फुटबलका खेल सामाग्री हस्तान्तरण गरिएको हो ।
बस्तीपुर जेसीज हाँडीखोलाका अध्यक्ष राजेश भेटवालको अध्यक्षतामा भएको कार्यक्रममा जेसीजका पूर्वअध्यक्ष दिपेन्द्रकुमार बर्तौलाको प्रमुख आतिथ्यता रहेको थियो । जेसीज सदस्य राम गिरीको संयोजकत्वमा कार्यक्रम भएको हो । कार्यक्रममा बस्तीपुर जेसीजका निवर्तमान अध्यक्ष जयराम सुबेदी, अध्यक्ष सल्लाहकार विदुर विक्रम थापा, बोर्ड सल्लाहकार सुवासचन्द्र कँडेललगायतको आतिथ्यता रहेको थियो ।
महासचिव प्रेम गोङ्बाले सहजीकरण गरेको कार्यक्रममा जेसीज कार्यकारिणी उपाध्यक्ष तेजप्रसाद उप्रेती ‘रमेश’, आकाश पाठक, उसपाध्यक्ष रामचन्द्र वर्तौला, ठहर नेपाल, कोषाध्यक्ष शिवराज उप्रेती, कानुनी सल्लाहकार प्रदिप अधिकारी, प्रकरण निर्देशक श्रीराम खड्का, शाखा सम्पादक सञ्जोग उप्रेती, २०२० का महासचिव अमृत पाठक, २०१९ का कोषाध्यक्ष सन्तोष् उप्रैती, नेपाली कांग्रेस हेटौंडा–१९ सभापति, २०२१ का बोर्ड सल्लाहकार धनबहादुर गुरुङलगायत भलिबल, क्रिकेट र फुटबल खेलाडी युवाहरुको सहभागिता रहेको थियो ।
