हेटौंडाः हेटौंडा–४ को पुष्पलाल पार्कमा रहेको नेकपा एमाले मकवानपुरको पार्टी कार्यालय सोमबारबाट खोलिएको छ । सोमबार बिहान नेकपा एमालेका नेता तथा कार्यकर्ताको उपस्थितिमा पार्टी कार्यालयमा लगाइएको ताला खोलिएको हो ।
नेपाल कम्युनिष्ट पार्टी (नेकपा)को ओली तथा दाहाल–नेपाल दुबै पक्षले उक्त कार्यालयमा दावी गरेपछि पार्टी कार्यालयमा ताला लगाइएको थियो । नेकपाभित्रको आन्तरिक विवाद जिल्ला तहमा पनि बढ्दै गएपछि केहि महिनाअघि नेकपा दाहाल–नेपाल समूहका नेताले एक पक्षीय ढंगले गुटको कार्यक्रम पार्टी कार्यालयमा गरेको भन्दै कार्यालयमा ताला लगाइएको थियो ।
आइतबार भएको सर्वोच्च अदालतको फैसलालाई सम्मान गर्दै पार्टी कार्यालय खोलेर नियमित कार्यहरु सूचारु गरिएको नेकपा एमाले मकवानपुरका नेताहरुको भनाई छ ।
