हेटौंडाः हेटौंडा–१६, हटियास्थित जनप्रिय माविबाट २०५७ सालमा एसएलसी परीक्षा दिएका विद्यार्थी समूहले पुनर्मिलन तथा वनभोज कार्यक्रमको आयोजना गरेका छन् । पुनर्मिलन तथा वनभोज कार्यक्रममा २०५७ सालको एसएलसी व्याचमा प्रथम श्रेणीसहित प्रथम हुन सफल विद्यार्थी विनोद दाहालको अध्यक्षतामा ९ सदस्यीय ‘विद्यार्थी साथी समूह २०५७’ गठन गरिएको छ ।
साथी समूहको उपाध्यक्षमा लेखनाथ ढकाल, सचिवमा दीपक गजुरेल, कोषाध्यक्षमा श्याम नेपाल चयन हुनुभएको छ । यस्तै सदस्यमा मीना अर्याल, रामकृष्ण थापा, मोहनप्रसाद ढकाल, शिवप्रसाद खतिवडा (राजु) र जगदिश दाहाल चयन हुनुभएको छ । २०५७ सालको एसएलसी परीक्षामा सहभागी ७० जना विद्यार्थी मध्ये भेलामा ३५ जना सहभागी थिए ।
पुनर्मिलनको अवसरमा पूर्वविद्यार्थीले अक्षयकोषको सुरुवात समेत गरेका छन् । शनिबारको भेलामा सहभागी विद्यार्थीले दुई लाख २५ हजार रुपैया“ संकलन गरिएको र अक्षयकोषमा रकम थप गर्दै लगिने साथी समूहका अध्यक्ष विनोद दाहालले जानकारी दिनुभएको छ । हेटौंडा–१९ स्थित तपोवन क्षेत्रमा शनिबार भएको पुनर्मिलन तथा वनभोज कार्यक्रममा सहभागी विद्यार्थीले आफूहरुले अध्ययन गरेको विद्यालयको भौतिक एवम् शैक्षिक विकासमा आवश्यक सहयोग गर्न अग्रसर हुने निर्णय गरेको दाहालले जानकारी दिनुभयो ।
