हेटौंडाः हेटौंडामा जारी भिडोल विजय युथ हेटौंडा गोल्डकपमा आयोजक एफसी विजय युथ क्लब फाईनलमा प्रवेश गरेको छ । हेटौंडाको बन विज्ञान संस्थानको खेल मैदानमा बुधवार भएको दोश्रो सेमिफाईनल खेलमा बागमती युवा क्लब सर्लाहीलाई ५—१ गोल अन्तरले पराजित गर्दै आयोजक एफसी विजय युथ फाइनल पुगेको हो ।
विजय युथका बिमल राना मगरले खेलको ६ औँ र ४३ औँ मिनेटमा पेनाल्टी मार्फत गोल गरेको थिए । सन्त गुरुङ्गले ३७ औँ मिनेटमा , विदेशी खेलाडी हिसुप थपलीयाले ५८ औँ मिनेटमा र रुपेश केसीले ८८ औँ मिनेटमा गोल गर्दै टिमलाई अग्रता दिलाएका थिए । बागमती युवा क्लब सर्लाहीका विदेशी खेलाडी फोफोनाले खेलको ६७ औँ मिनेटमा पेनाल्टी मार्फत गोल गरेका थिए । खेलको दाजुभाई स्वीट्स म्यान अफ द म्याच एफसी विजय युथ क्लबका विमल राना मगर घोषित भएको थियो । विमलले नगद ५ हजार सहित ट्रफी प्राप्त गरेका थिए ।
विमललाई म्यान अफ द म्याचको ट्रफी तथा नगद पुरस्कार नेपाली काङ्ग्रेस पार्टी नगरसभाका सभापति आनन्दराम पराजुलीले हस्तान्तरण गर्नुभएको थियो । शुक्रवार फाईनल खेलमा आयोजक एफसी विजय युथ हेटौँडा र सेन्ट्रल कलेज विएफसीबिच हुनेछ ।
माघ २३ गते प्रतियोगिताको फाईनल खेल हुनेछ । १० टिम सहभागि भएको प्रतियोगिताको विजेताले नगद ३ लाख सहित शिल्ड , मेडल र प्रमाणपत्र र उपविजेता टिमले १ लाख ५० हजार सहित शिल्ड , मेडल र प्रमाणपत्र प्राप्त गर्नेछन् ।
