हेटौंडाः हेटौंडा–१३, वनस्पतिस्थित युग चेतना आधारभुत विद्यालयमा अध्ययनरत विद्यार्थीलाई मंगलबार एक कार्यक्रमका बीच न्यानो कपडा स्वेटर वितरण गरिएको छ । होटल एसोसिएसन मकवानपुरका कार्यसमितिको सहयोगमा विद्यालयमा अध्ययनरत दुई सय ३० जना विद्यार्थीलाई स्वेटर वितरण गरिएको हो ।
विद्यालयका शिक्षक अभिभावक संघका अध्यक्ष तथा एसोसिएसनका सदस्य तेजकुमार स्याङ्तानको पहलमा होटल एसोसिएसन मकवानपुरले सहयोग गरेको हो । विद्यालयका प्रधानाध्यापक राजु बर्तौला र विद्यालय व्यवस्थापन समितिका अध्यक्ष अशोककुमार डिम्डुङलाई एसोसिएसनका अध्यक्ष शंकरलाल श्रेष्ठ नेतृत्वको समूहले स्वेटर हस्तान्तरण गरेको हो । होटल एसोसिएसनका अध्यक्ष श्रेष्ठले बाँकी विद्यार्थीहरुलाई पनि न्यानो कपडाका लागि पहल गर्ने प्रतिवद्धता जनाउनु भएको छ ।
कार्यक्रममा १३ नम्बर वडाका सदस्य सन्तबहादुर तितुङ, एसोसिएसनका संस्थापक अध्यक्ष भागीरथ शर्मा, एसोसिएसन बागमती प्रदेश समितिका सदस्य हरिगोपाल सापकोटा, होटल एसोसिएसन मकवानपुरका वरिष्ठ उपाध्यक्ष दिलिश गोविन्द जोशी, महासचिव विष्णुगोपाल महर्जन, सचिव डब्लु रौनियार, कोषाध्यक्ष कल्याण पौडेल, सदस्य सुरेश लामा, पाल्साङ लामा, पारसमणि थिङ, विन्दा राना, कमला थापा मगर, रविन लामाको उपस्थिति रहेको थियो ।
