हेटौंडाः जिल्ला प्रहरी कार्यालय मकवानपुरका प्रहरी उपरीक्षक सोमेन्द्र सिंह राठौंरले मकवानपुरलाई अपराधमुक्त बनाउने बताउनुभएको छ । जिल्लामा हुने गरेको लागूऔषधको कारोबार तथा अन्य अपराध तथा सामाजिक विकृतीलाई न्यूनीकरण गर्न आफु अग्रसर हुने उहाँले बताउनुभएको छ ।
अपराध न्यूनीकरण गर्न पर्सा लगायत काठमाडौंमा समेत काम गर्नुभएको एसपी राठौरले मकवापनुरका पत्रकारसहँग सोमबार परिचयात्मक कार्यक्रम गर्नुभएको थियो । कार्यक्रममा उहाँले संचारजगतले सही समाचार संम्प्रेषण गर्नुपर्ने बताउनुभयो । अपराध न्यूनीकरण गर्न आम नागरिक, पत्रकार लगायत सबैको सहयोग आवश्यक भएकोले मिलेर अगाडि बढ्ने उहाँले बताउनुभयो । कार्यक्रममा नेपाल पत्रकार महासंघ मकवानपुर शाखाका अध्यक्ष हरि हुमागाईको पनि उपस्थिति रहेको थियो ।
