हेटौंडाः मकवानपुर प्रहरीले आइतबार मकवानपुरको राक्सिराङ गाउँपालिकामा ३० विगाहा क्षेत्रफलको गाँजा खेती नष्ट गरेको छ ।
जिल्ला प्रहरी कार्यालय मकवानपुर, ईलाका प्रहरी कार्यालय मनहरी र दंगा नियन्त्रण प्रहरी गण हेटौंडाबाट संयुक्त रुपमा खटिएको ५० जना प्रहरी टोलीले राक्सिराङ गाउँपालिका–१ को गाल्छाराङ, दुंगु, ज्यामिरे र विरालिटार क्षेत्रको गाँजा खेती फँडानी गरी नष्ट गरेको मकवानपुर प्रहरीले जनाएको छ । यसअघि शुक्रबार र शनिबार पनि राक्सिराङमा प्रहरीले लागुऔषध गाँजा र अफिम नष्ट गरेको थियो ।
