हेटौंडाः मकवानपुर जिल्ला सहकारी संघको १७ औं वार्षिक साधारणसभाको अवसरमा पूर्वअध्यक्षहरु र व्यवस्थापकलाई सम्मान गरिएको छ । सहकारीले पूर्वअध्यक्षहरु उमा दाहाल, रामजी सापकोटालाई सम्मान गरेको हो । यस्तै सहकारीका पूर्वव्यवस्थापक बद्रिप्रसाद भण्डारीलाई पनि सम्मान गरेको छ । पूर्वअध्यक्ष र व्यवस्थापकलाई दोसल्ला ओढाएर सम्मानपत्र प्रदान गरिएको छ ।
मकवानपुर जिल्ला सहकारी संघका अध्यक्ष नारायणप्रसाद देवकोटाको अध्यक्षता तथा बागमती प्रदेशको सहकारी रजिष्टार बिक्रम पाण्डेको प्रमुख आतिथ्यमा भएको साधारणसभामा मकवानपुर जिल्ला सहकारी संघका निवर्तमान अध्यक्ष बद्रिप्रसाद लम्साल, जिल्ला बचत तथा ऋण सहकारी संस्था लिमिटेड मकवानपुरकी अध्यक्ष कल्पना श्रेष्ठ, जिल्ला दुग्ध उत्पादक सहकारी संघ लिमिटेडका अध्यक्ष बासुदेव अधिकारीको पनि उपस्थिति रहेको थियो ।
