हेटौंडा: जिल्ला प्रहरी कार्यालय मकवानपुरले लागूऔषधसहित अनिल मुखियालाई पक्राउ गरेको छ । लागूऔषध नाइट्रोभेट १ हजार २ सय ट्याबलेट, ओनरेक्स् १ सय एमएलको ४ बोत्तलसहित पर्सा पेटर्वासुगौली गाउँपालिका–३ का २४ वर्षीय अनिल मुखियालाई मकवानपुर प्रहरीले आज पक्राउ गरेको हो ।
हेटौंडाको भुटनदेवी प्रहरी चौकिबाट खटिएको प्रहरी हबल्दार डिल्लीराम शिवाकोटीको टोलिले बिरगञ्जबाट नारायणघाट तर्फ आइरहेको ना. ५ ख ५८६८ नम्बरको बसलाई रोकेर सुरक्षाजाँच गर्दा लागूऔषधसहित मुखियालाई पक्राउ गरेको जिल्ला प्रहरी कार्यालय मकवानपुरका प्रहरी नायब उपरीक्षक ईन्द्रबहादुर रानाले बताउनुभयो । उनलाई प्रहरीले नियन्त्रणमा लिएर थप अनुसन्धान तथा कारबाही गरिरहेको प्रहरीले जनाएको छ ।
