हेटौंडाः हेटौंडा–४, कमलडाँडास्थित नवोदय शिशु सदन विद्यालयमा गठित नवोदय साहित्यिक बगैंचा बाल क्लबद्वारा आयोजित ११२ औ लक्ष्मी जयन्ती विशेष कार्यक्रम भएको छ । विद्यालयका शिक्षक चन्द्रमणि रिमालका अनुसार क्लबकी अध्यक्ष इलिशा पराजुलीले सभाध्यक्षतामा कार्यक्रम भएको हो ।
कार्यक्रममा क्लबका सदस्यहरूले देवकोटाको जीवनमा आधारित रहेर कविता वाचन, देवकोटाको जीवनीमा आधारित नाटक र कार्यशालाबाट सिकेका विद्यार्थीहरूको स्लाइड तथा नमुना कविता वाचन गरेका थिए । विभिन्न विद्यालयका विद्यार्थीहरूको प्रतिनिधि रचना वाचन र वाचित रचनामाथि नरेन्द्र कुमार नगरकोटी र अनिता न्यौपानेले समालोचनात्मक टिप्पणी पनि गर्नुभएको थियो ।
कार्यक्रममा सर्जक सञ्जाल मकवानपुरका अध्यक्ष निमेष निखिलले मन्तव्य राख्नुभएको थियो । लक्ष्मी जयन्ती विशेष कार्यक्रममा अतिथिका रूपमा निमेष निखिल, पुरुषोत्तम आचार्य, डीबी लगायतका मकवानपुरे साहित्यकारहरूको उपस्थिति रहेको थियो ।
