हेटौंडाः मानवसेवा आश्रमका अभियन्ताले मङ्गलबार हेटौंडा–१०, बसपार्कबाट एकजना २१ वर्षीया गर्भवती महिला र एक १६ वर्षीया किशोरीलाई उद्दार गरेको छ । केहीदिनदेखि बेवारिसे अवस्थामा बसपार्क क्षेत्रमा देखिएकी गर्भवतीलाई उद्दार गरिएको मानवसेवा आश्रमका अभियन्ताले बताएका छन् ।
अनिता लम्साल बताउने महिला ८ महिनाको गर्भवती भएको बताइएको छ । सपना परियार नाम भएकी किशोरीलाई पनि उद्दार गरिएको मानवसेवा आश्रमले जनाएको छ । सामुदायिक प्रहरी कार्यालय र अधिकारकर्मीको समेत सहयोगमा उद्दार गरिएको मानवसेवा आश्रमका अभियन्ता होमनाथ पौडेलले जानकारी दिनुभएको छ ।
