हेटौंडाः ६५ औं प्रहरी दिवसको अवसरमा बागमती प्रदेश प्रहरी कार्यालय हेटौंडाले मङ्गलबार रक्तदान कार्यक्रमको आयोजना गरेको छ । प्रदेश प्रहरी कार्यालय परिसरमै भएको कार्यक्रममा प्रदेश प्रहरी प्रमुख प्रहरी नायव महानिरीक्षक (डीआईजी) बसन्तकुमार लामासहित ५५ जनाले रक्तदान गरेका छन् ।
रक्तदान कार्यक्रममा रक्तसञ्चार केन्द्र हेटौंडाले प्राविधिक सहयोग गरेको हो । प्रहरी दिवसकै अवसरमा भोलि बुधबार प्रदेशभरका प्रहरीले आफ्नो क्षेत्र आसपासका मठमन्दिरको सरसफाइ गर्ने, बिहीबार वृक्षरोपण गर्ने कार्यक्रम रहेको बागमती प्रदेश प्रहरी कार्यालयले जनाएको छ । नेपाल प्रहरीले हरेक वर्ष असोज मसान्तका दिन प्रहरी दिवस मनाउने गरेको छ । प्रहरी दिवसकै अवसरमा असोज २९, ३० र कात्तिक १ गते तीनदिन दीपावली गरिनेछ ।
