हेटौंडाः आज एकै दिन मकवानपुर जिल्लामा कोरोना भाइरस सङक्रमित ५१ जना थपिएका छन् । बिहान १० जना सङ्क्रमित पहिचान भएकोमा साँझ थप ४१ जना सङक्रमित पहिचान भएसँगै आज एकै दिन ५१ जना सङ्क्रमित थपिएका हुन् ।
आज साँझ हेटौंडा उपमहानगरपालिकाको आयुर्वेद तथा जनस्वास्थ्य प्रवद्र्धन शाखाले सार्वजनिक गरेको विवरणअनुसार ३७ जना हेटौंडा उपमहानगरपालिका क्षेत्रका छन् भने सिन्धुली र बारा जिल्लाका १/१ जना र मनहरी र मकवानपुरगढीका १/१ जना छन् । यसअघि आजै बिहान थाहा नगरपालिकाका ३ जना र बागमती गाउँपालिकाका ७ जनामा कोरोना भाइरस सङ्क्रमण पुष्टि भएको थियो ।
