हेटौंडाः मकवानपुरको उत्तरीक्षेत्र थाहा नगरपालिका–६, बज्रबाराहीबाट चोरी भएको दुईवटा मोटरसाइकल २ दिनपछि धादिङ जिल्लाको धुनिबेसी नगरपालिका–७ मा भेटिएको छ ।
गत सोमबार राती साढे १ बजेको समयमा बज्रबाराहीका ४९ वर्षीय सरलाल बलामीको नाममा रहेको प्रदेश नं. ३–०२–०१३ प ६८९९ नम्बरको यामाहा कम्पनिको एफजेडएस मोटरसाईकल र २६ वर्षीय शुद्धचन बलामीको बा ९३ प ८०५४ नम्बरको पल्सर २२० सिसि मोटरसाईकल चोरी भएको थियो । ईलाका प्रहरी कार्यालय पालुङमातहतको ईलाका प्रहरी कार्यालय चित्लाङका साथै सवारी धनी समेतको सक्रियतामा खोज तलास गर्ने क्रममा बिहीबार धुनिवेशीमा बेवारिसे अवस्थामा दुबै मोटरसाइकल बरामद भएको ईलाका प्रहरी कार्यालय पालुङले जनाएको छ ।
बेवारिसे अवस्थामा बरामद भएको मोटरसाइकल ईलाका प्रहरी कार्यालयमा ल्याई आज सम्बन्धित धनीलाई बुझाइएको प्रहरीले जनाएको छ ।
