हेटौंडाः मदन भण्डारी फाउण्डेशन मकवानपुरले सञ्चालनमा ल्याएको फुड बैंकको राष्ट्रिय समावेशी आयोगकी कार्यवाहक अध्यक्ष विष्णु ओझाले निरीक्षण गर्नुभएको छ । हेटौंडा–४, कपुर कम्प्लेक्स अगाडि सञ्चालन गरिएको फुड बैंकको आज निरीक्षणमा पुग्नुभएकी ओझालाई मदन भण्डारी फाउण्डेशन मकवानपुरका अध्यक्ष रघुनाथ खुलालले फुड बैंक सञ्चालनका विषयमा जानकारी गराउनुभएको थियो ।
निरीक्षणका क्रममा अध्यक्ष रघुनाथ खुलालले फुड बैंकलाई व्यवस्थित गदै खाद्यान्न सहयोगको दायरा बढाउ“दै लैजाने जानकारी गराउनुभयो । फुड बैंकको निरीक्षणपश्चात अध्यक्ष विष्णु ओझाले कोरोना महामारीका कारण दैनिक गुजारा चलाउन नसकेर अप्ठ्यारोमा परेका श्रमजिवी तथा विपन्न परिवारलाई लक्षित गरेर सञ्चालन गर्नु राम्रो कार्य भएको बताउनुभयो ।
ओझाले फुड बैंक व्यवस्थापनमा खटिने स्वयंसेवकलाई भौतिक दूरी कायम गर्दै सुरक्षाको मापदण्ड अपनाई सहयोगको कार्य गर्न सुझाव दिनुभयो । फुड बैंक बिहान ७ बजेदेखि ९ बजेसम्म सञ्चालन भइरहेको छ । फुड बैंक सञ्चालनमा आएको आज पा“चौं दिन ८० जनाले खाद्यान्न सामग्री लगेका छन् ।
