हेटौंडाः हेटौंडा–५, पिप्लेमा निर्माणाधीन कभर्डहलको निर्माणका लागि सन्तोष गौतमले सहयोग गर्नुभएको छ । आफ्ना सन्तानको जन्मदिनको अवसरमा गौतमले बिहीबार ५ हजार ५ सय ५७ रुपैयाँ सहयोग गर्नुभएको हो ।
पिप्ले निवासी गौतम अहिले रोजगारीको सिलसिलामा दुवईमा हुनुहुन्छ । आफ्नो छोराछोरीलाई पनि खेलाडी बनाउने प्रतिवद्धता व्यक्त गर्नुहुँदै गौतमले कभर्डहल निर्माणमा सहयोग गर्नुभएको पिप्ले युवा क्लबका अध्यक्ष सुशील घिमिरेले जानकारी दिनुभएको छ ।
