हेटौंडाः मदन भण्डारी स्पोर्टस् एकेडेमी मनहरी गाउँपालिका कमिटि र मनहरी एफएमको संयुक्त आयोजनामा मनहरीमा रक्तदान कार्यक्रम हुने भएको छ ।
५८ औं रेडक्रस स्थापना दिवसको अवसरमा यही भाद्र २० गते मनहरी गाउँपालिका वडा नम्बर ७ स्थित मनकमाना मन्दिर परिसरमा वृहत रक्तदान कार्यक्रम आयोजना गर्न लागिएको मदन भण्डारी स्पोर्टस् एकेडेमी मनहरी गाउँपालिकाका अध्यक्ष पुकार सुवेदीले जानकारी दिनुभयो ।
कोरोना महामारीको समयमा पनि मकवानपुर जिल्लामा रगतको समस्या नहोस भन्ने उद्धेश्यले रक्तदान कार्यक्रमको आयोजना गर्न लागिएको उहाँले बताउनुभयो ।
