हेटौंडाः हेटौंडाका ४३ जनामा आज कोरोना पुष्टि भएको छ । हेटौंडाका ४३ जना र मकवानपुर जिल्ला बाहिरका २ जना गरी कुल ४५ जनामा कोरोन पुष्टि भएको हेटौंडा–४, स्थित आइसोलेसन वार्डका जनस्वास्थ्य निरीक्षक भोला चौलागाईले जानकारी दिनुभयो ।
भाद्र ४ गते र ५ गते संकलन गरिएको १६६ स्वाब नमूनाको काभ्रेको धुलिखेल जनस्वास्थ्य प्रयोगशालामा परिक्षण गर्दा आज ४५ जनामा कोरोना पुुष्टि भएको हो । आज कोरोना पुष्टि हुनेहरुमा हेटौंडाका १६ जना महिला र २७ जना पुरुषहरु रहेका छन् ।
