हेटौंडाः मकवानपुर जिल्लामा आज कोरोना भाइरस सङ्क्रमित १६ जना थपिएका छन् । ११ जना प्रहरीसहित १६ जना सङ्क्रमित थपिएको हेटौंडास्थित आइसोलेसन वार्डका जनास्वास्थ्य निरीक्षक भोलाप्रसाद चौलागाईले जानकारी दिनुभएको छ ।
आज पहिचान भएका सङ्क्रमित मध्ये हेटौंडा रहेर कार्यरत मकवानपुरभन्दा बाहिरी जिल्लाका प्रहरीहरु हुन् । सङ्क्रमित सबै पुरुष प्रहरीहरु छन् । यस्तै हेटौंडा उपमहानगरपािलका वडा नम्बर ४ का तीन महिला र एकजना पुरुष तथा १० नम्बर वडाका एकजना महिला रहेका छन् ।
