हेटौंडाः लागूऔषधसहित तीनवटा मोटरसाइकल र ४ जनालाई मकवानपुर प्रहरीले नियन्त्रणमा लिएको छ । प्रहरीले एउटा भारतीय नम्बरको मोटरसाइकल पनि नियन्त्रणमा लिएको छ । ईलाका प्रहरी कार्यालय पशुपतिनगर र प्रहरी चौकी मयुरधापबाट खटिएको प्रहरी टोलीले आइतबार हेटौंडा–१४ र १५ बाट उनीहरुलाई नियन्त्रणमा लिएको जनाएको छ ।
आज सोमबार एक प्रेस विज्ञप्ति जारी गर्दै मकवानपुर प्रहरीले बी आर ०५ ए ए ०६०५ नम्बरको भारतीय मोटरसाइकल, ग ५ प ४२२३, प्रदेश ३–०२–००२ प ४५४१ नम्बरको मोटरसाइकलसहित पर्सा जिल्ला वीरगन्ज महानगरपालिका–२४ का १८ वर्षीय आशिष तिवारी, मकवानपुर जिल्ला हेटौंडा उपमहानगरपालिका–९ का ३२ वर्षीय प्रदिप पाण्डे, हेटौंडा–१२ का २८ वर्षीय विरेन मोक्तान र बुद्धि घिसिङलाई नियन्त्रणमा लिएको जनाएको छ । उनीहरुको साथबाट प्रहरीले विनक्रेक्स १०० मिलिलिटरको १९५ बोतल, नाईट्रोभेट ६०० टयाबलेट बरामद गरिएको र थप अनुसन्धान भईरहेको मकवानपुर प्रहरीले जनाएको छ ।
