हेटौँडा : नेपाल बार एसोसिएसनको निर्वाचन कार्यक्रमअन्तर्गत आज मतदान सम्पन्न भएको छ । बिहान ८ बजेबाट सुरु भएको मतदान दिनको ४ बजे सकिएको छ । मकवानपुरमा जिल्ला बारमा २५ जना र उच्च अदालतमा ६३ गरी ८८ जना मतदाता रहेका थिए । जिल्ला बारतर्फ २० जना र उच्च अदालततर्फ ४७ जना र जिल्ला अदालततर्फ काठमाडौँबाट स्थानान्तरण गरेका एकजनासहित कुल ६८ मत खसेको छ ।
नेपाल बार एसोसिएसनको अध्यक्षमा ५ जनाको उम्मेदवारी रहेको छ । सत्तारुढ एमाले र काँग्रेस निकट कानून व्यवसायीको साझा उम्मेदवारको रुपमा वरिष्ठ अधिवक्ता डा. विजय मिश्र, नेकपा माओवादी केन्द्र निकट कानून व्यवसायी वरिष्ठ अधिवक्ता रमनकुमार श्रेष्ठसँगै अधिवक्ताहरु राजु कैती, उज्ज्वल घिमिरे र आशिष पौडेल अध्यक्षाका उम्मेदवार हुनुहुन्छ । नेपाल बार एसोसिएसनको निर्वाचनमा जिल्ला र उच्च बारमै मतदान गरी मतपत्र केन्द्रमा पठाउने व्यवस्था छ । सोहीअनुसार मतपत्र काठमाडौं पठाइने बताइएको छ ।
नेपाल बार एसोसिएसनको निर्वाचनमा मकवानपुर जिल्लामा कोही पनि उम्मेदवार बनेका छैनन् । नेपाल बार एसोसिएसनको निर्वाचनबाट ३ वर्षे कार्यकालका लागि नयाँ समिति चयन हुनेछ ।
