हेटौंडाः पूर्वपश्चिम राजमार्गअन्तर्गत मनहरी–९, खरङ्गामा आइतबार बिहान ट्रक दुर्घटना हुँदा सहचालकको मृत्यु भएको छ । दुर्घटनामा सहचालक २० वर्षका राज चौधरीको मृत्यु भएको छ भने चालक लक्ष्मीनारायण चौधरी घाइते भएका छन् ।
हेटौंडाबाट चितवनतर्फ जाँदै गरेको ना ४ ख ७०४ नम्बरको ट्रक ब्रेक फेल भई अनियन्त्रित हुँदा सडकबाट तलखसी दुर्घटना भएको मकवानपुर प्रहरी प्रवक्ता प्रहरी नायव उपरीक्षक ईन्द्रबहादुर रानाले जानकारी दिनुभयो । मृतक राज चौधरी बारा जिल्ला कोहल्वीका हुन् । घाइते चालकको चितवनस्थित अस्पतालमा उपचार भैरहेको प्रहरीले जनाएको छ ।
