हेटौँडा ः हेटौँडा–१० स्थित वनविज्ञान क्याम्पस स्वतन्त्र विद्यार्थी युनियन (स्ववियु) ले विद्यार्थीलाई खेल सामग्री सहयोग गरेको छ । बिहीबार स्ववियुका कार्यवाहक अध्यक्ष अमृत देवकोटाले क्याम्पसका विद्यार्थीलाई फुटबल, भलिबल, व्याड्मिन्टन लगायतका सामग्री सहयोग गरेको हो ।
क्याम्पसका व्याचका प्रतिनिधि मार्फत विद्यार्थीलाई खेल सामग्री हस्तान्तरण गरेको कार्यबाहक अध्यक्ष अमृत देवकोटाले जानकारी दिनुभएको छ । विद्यार्थीलाई सक्रिय जीवनशैली अपनाउन र शिक्षासँगै खेलकुदको बुझाउनका लागि सामग्री सहयोग गरेको उहाँले बताउनुभयो । कार्यबाहक अध्यक्ष देवकोटाले भन्नुभयो, ‘शिक्षा मात्र होइन, खेलकुदले समेत विद्यार्थीको समग्र व्यक्तित्वको विकासमा योगदान पु¥याउने हुनाले आज हामीले विद्यार्थीलाई शारीरिक र मानसिक रूपमा सशक्त बनाउँदै, शिक्षा र खेलको बीचको सन्तुलनको महत्वलाई स्पष्ट पार्न स्ववियु मार्फत खेलकुद सामग्री वितरण गरेका हौँ ।’ उहाँका अनुसार क्याम्पसमा अध्ययनरत स्नातक र स्नात्तकोत्तर तहका सबै विद्यार्थीलाई सहयोग गरिएको छ । सामग्री वितरण कार्यक्रममा स्ववियुका निराजन बुढा र कार्यसमितिका सदस्यका पदाधिकारीहरुको उपस्थिति रहेको थियो ।
