हेटौँडा ः हेटौँडा–४, स्कूलरोडस्थित पाँच तारा बचत तथा ऋण सहकारी संस्था लिमिटेड चौधौं वर्षमा प्रवेश गरेको छ । शुक्रबार सहकारीले १३औं स्थापना दिवस मनाएको छ ।
सहकारीका अध्यक्ष बगान सिंह थिङको सभाध्यक्षता तथा शुक्रबार सबैभन्दा पहिला कारोबार गर्ने सेयर सदस्य चक्रधर बिडारीको प्रमुख आतिथ्यमा स्थापना दिवस समारोहको आयोजना गरिएको थियो ।
८ सय ८ जान सदस्य रहेको सहकारीको कारोबार साढे ३ करोड रहेको व्यवस्थापक सरोज घिमिरेले जानकारी दिनुभयो । सहकारीले स्थापन दिवसको अवसरमा आश्रम, विद्यालय र विभिन्न संघ संस्थालाई सहयोग गर्दै आइरहेको छ ।
