हेटौँडा ः निजी तथा आवासीय विद्यालय अर्गनाइजेसन नेपाल (प्याब्सन) मकवानपुरले समृद्ध समाज दैनिककी संवाददाता जमुना थिङलाई सम्मान गरेको छ । शुक्रबार हेटौँडामा सम्पन्न वार्षिक साधारणसभा तथा अधिवेशनको अवसरमा नगद ५ हजार रुपैयाँसहित जमुनालाई सम्मान गरेको हो ।
जमुना समृद्ध समाज दैनिककी शिक्षा विटकी पत्रकार समेत हुन् । प्याव्सनले जमुनासँगै कान्तिपुर दैनिकका संवाददाता सुवास बिडारी, कान्तिपुर टेलिभिजनका संवाददाता बालकृष्ण अधिकारीलाई पनि जनही ५ हजार रुपैयाँसहित सम्मानत गरेको छ । साधारणसभाकै अवसरमा प्याव्सन मकवानपुरले संस्थापक अध्यक्ष ऋषिराम आचार्य, पूर्वअध्यक्षहरु आशिष श्रेष्ठ, मदन दहाल र अनिल पाण्डेलाई पनि सम्मान गरेको छ ।
यस्तै प्याव्सनले शिक्षकहरु अरविन्द कुमार झा, उमा मगर, सञ्जिव ठाकुरलाई पनि सम्मान गरेको छ । प्याव्सन मकवानपुरका अध्यक्ष विनोद सुवेदीको अध्यक्षता तथा प्याव्सन केन्द्रीय अध्यक्ष डीके ढुंगानाको प्रमुख आतिथ्यमा कार्यक्रम भएको हो । कार्यक्रममा प्याव्सन बागमती प्रदेश समितिका अध्यक्ष केशवलाल श्रेष्ठ लगायतको उपस्थिति रहेको छ । अधिवेशनबाट प्याव्सन मकवानपुरको नयाँ समिति चयन हुनेछ ।
