हेटौँडाः सिन्धुली जिल्लाको मेलम्ची नगरपालिका–४, बुढीचौरमा एक जना पुरुष मृत फेला परेका छन् । मृत फेला पर्नेमा मेलम्ची नगरपालिका–४, पिप्ले बस्ने ४५ वर्षीय राजन न्यौपाने रहेको बागमती प्र्रदेश प्रहरी कार्यालय हेटौँडाले जानकारी दिएको छ ।
न्यौपाने बुढीचौर स्थित भित्रि कच्ची बाटोबाट एक सय मिटर तल गोरेटो बाटोमा सुतेको अवस्थामा मृत फेला परेका थिए । अनुसन्धानका क्रममा न्यौपानेले दैनिक मादकपदार्थ सेवन गर्ने, घरमा नबस्ने र बाहिर काम गर्ने गरेको पाइएको छ । मुचुल्का पश्चात शव पोष्टमार्टमका लागि नगर मेलम्ची अस्पताल लगिएको प्रहरीले जानकारी दिएको छ ।
