हेटौँडा ः चितवन जिल्लाको खैरहनी नगरपालिका–१०, कठारमा स्कुल बस र मोटरसाइकल एक आपसमा ठोक्किएर दुर्घटना हुँदा मोटरसाइकल चालकको मृत्यु भएको छ । मृत्यु हुनेमा ५५ वर्षीय बसन्त कुमार चौधरी रहेको बागमती प्रदेश प्रहरी कार्यालय हेटौँडाले जानकारी दिएको छ ।
बिहीबार बिहान ८ बजेर ३० मिनेटको समयमा भित्री सडकखण्डमा ना ५ ख ३९८ नम्बरको इन्टरनेशनल बोर्डिङ स्कुलको बस र प्रदेश ३–०३–००१ प ४७९५ नम्बरको मोटरसाइकल एक आपसमा ठोक्किएर दुर्घटना हुँदा चौधरी घाइते भएका थिए । घाइते चौधरीलाई उपचारका लागि एलाइभ अस्पताल भरतपुर लगिएकोमा उपचारको क्रममा बिहान ९ बजेर २० मिनेटको समयमा मृत्यु भएको प्रहरीले जानकारी दिएको छ । बस चालक खैरहनी नगरपालिका–५ का ५४ वर्षीय राजकुमार महतोलाई प्रहरीले नियन्त्रणमा लिएको छ ।
