हेटौंडाः मकवानपुरको मकवानपुरगढीभित्र रहेका विद्यालयमा अर्धवार्षिक परीक्षा सुरु भएको छ । आइतबारबाट सुरु भएको परीक्षामा पहिलो दिन अनिवार्य अंग्रेजी विषयको परीक्षामा ४ सय ९६ विद्यार्थी अनुपस्थित भएका छन् ।
भर्ना भएका ४ हजार ९ सय ६६ विद्यार्थीमध्ये ४ हजार ४ सय ६९ विद्यार्थी परीक्षामा सहभागी भएको मकवानपुरगढी गाउँपालिकाका शिक्षा शाखा प्रमुख राम घलानले जानकारी दिनुभयो । गाउँपालिकामा ३७ सामुदायिक र एक निजी विद्यालय छन् । परीक्षा पुस १६ गतेसम्म सञ्चालन हुनेछ । दोस्रो दिन ८ गते अनिवार्य गणित विषयको परीक्षा हुने उहाँले बताउनुभयो ।
