हेटौँडाः हेटौँडा–४ स्थित ब्रह्मदिक् एकेडेमीमा प्रथम संस्करणको गायन प्रतियोगिता सम्पन्न भएको छ । नृत्यतर्फ तेस्रो वर्ष पूरा गरिसकेको ब्रह्मदिक् एकेडेमीले शनिबार पहिलो संस्करणको गायन प्रतियोगिता सम्पन्न गरेको हो । प्रतियोगितामा माध्यमिक तहतर्फ कक्षा–१० का प्रथम तामाङ प्रथम, कक्षा–९ का आदित्य गुरुङ द्वितीय र कक्षा–८ का दियान्सु बानियाँ तृतीय भएका छन् ।
त्यसैगरी आधारभूत तहतर्फ कक्षा–६ की श्वेता श्रेष्ठ प्रथम, कक्षा–५ का जेनिश अधिकारी द्वितीय र कक्षा ६ का स्पन्दन अधिकारी तृतीय भएका छन् । माध्यमिक तह र आधारभूत तहका कक्षा ३ देखि १० सम्मका विद्यार्थीको सहभागिता रहेको थियो । विद्यालयका प्रधानाध्यापक रामबाबु सापकोटाको अध्यक्षता तथा प्याब्सन मकवानपुरका अध्यक्ष अध्यक्ष विनोद सुवेदीको प्रमुख आतिथ्यमा गायन प्रतियोगिता भएको हो ।
