हेटौँडाः मकवानपुर प्रहरीले मनहरी गाउँपालिका–५, डिल्लिपुरबाट १ सय ३७ किलोग्राम लागूऔषध गाँजा बरामद गरेको छ । शनिबार बिहान ४ बजेर ४५ मिनेटको समयमा प्रहरीले राक्सिराङ गाउँपालिकाबाट मानिसहरु लागुऔषध गाँजा लिएर आउँदै गरेको विशेष सुचनाको आधारमा गाँजा बरामद गरेको जिल्ला प्रहरी कार्यालय मकवानपुरले जानकारी दिएको छ ।
विशेष सूचनाको आधारमा इलाका प्रहरी कार्यालय मनहरीबाट खटिएको प्रहरी टोलीले गाँजा बोकेर जाँदै गरेको १०/१२ जनाको समूहलाई भेटेको थियो । प्रहरीलाई देखेपछि गाँजा बोकेका व्यक्तिले फरार भएको प्रहरीले जनाएको छ । गाँजा छाडेर फरार भएकाहरुको खोजी भइरहेको प्रहरीले जानकारी दिएको छ ।
