हेटौँडाः मकवानपुरको मनहरी गाउँपालिका–६ मा हात्तीको आक्रमणबाट माउते घाइते भएका छन् ।
पर्सा राष्ट्रिय निकुञ्जको सुरक्षार्थ नेपाली सेनाको सबुज गणको पोष्टमा पालिएको हात्तीलाई बुधबार दिउँसो २ बजेको समयमा माउते सर्लाही जिल्लाको हरिपुर नगरपालिका–९ का २५ वर्षीय मनिष चौधरीले दाना पानी खुवाउँदै गर्दा अचानक हात्तीले सुडले हानेर घाइते बनाएको बागमती प्रदेश प्रहरी कार्यालय हेटौँडाले जनाएको छ । माउते चौधरीको शरीर र कानमा चोट लागेको प्रहरीले जानकारी दिएको छ । चौधरीको चितवनस्थित पुरानो मेडिकल कलेजमा उपचार भइरहेको छ ।
