हेटौँडाः चोरी भएका २ वटा मोटरसाइकल मकवानपुर प्रहरीले फेला पारेको छ । गत कात्तिक ३० गते काठमाडौंबाट चोरी भएको २०० सिसिको केटिएम ड्युक मोटरसाइकल र २०७९ माघ १० गते भक्तपुरबाट चोरी भएको पल्सर मोटरसाइकल मकवानपुर प्रहरीले फेला पारेको हो ।
भक्तपुर जिल्लाको चागुनारायण–६ का ३८ वर्षीय शोक बहादुर लामाको बा प्र ०२–०५० प ६०१४ नम्बरको मोटरसाइकल फेला पारेर प्रहरीले मंगलबार फिर्ता गरिदिएको छ । काठमाडांै सरस्वतीनगरबाट गत कात्तिक ३० गते चोरी भएको मोटरसाइकल मकवानपुरमा बेवारिसे अवस्थामा फेला पारेको प्रहरीले जनाएको छ ।
यस्तै २०७९ माघ १० गते भक्तपुर जिल्लाको भक्तपुर–७ का ३६ वर्षीय सरुप धौभँडेलले आफ्नै घर अगाडि पार्किङ गरेर राखेको प्र २–०३–००२ प २४६८ नम्बरको २०० सिसिको पल्सर मोटरसाईकल चोरी भएको थियो । उक्त मोटरसाइकल खोजतलास गर्ने क्रममा मकवानपुरमा फेला पारिएको थियो । प्रहरीले चोरी गर्ने व्यक्ति भने पहिचान गर्न र पक्रन सकेको छैन ।
