हेटौंडाः बागमती प्रदेश अन्तर्गगत पर्ने पशुपति क्षेत्र विकास कोषले गूरु योजनाको नाममा पुरै मानव बस्ती खाली गर्ने अवधारणा ल्याएकोमा प्रदेश सांसद नरोत्तम वैद्यले विरोध गर्नुभएको छ । नेपाल सरकारले गुरुयोजनालाई अनुमोदन गरिसकेपछि पशुपति क्षेत्र विकास निमाणको, पूर्वाधार र पदमार्गको नाममा मानव बस्ती पुरै खाली हुने सांसद वैद्यले बताउनुभयो ।
केबल महादेव भगवान हुने र अन्य भगवानहरु मात्र हुने गरी गुरुयोजना ल्याएर सरकारमा अनुमोदन गर्न पठाएकोमा उहाँले विरोध जनाउनुभएको हो । उहाँले पशुपति क्षेत्र विकास कोषले स्थानिय जनप्रतिनिधी, प्रदेश सांसद लगायत संघीय सांसदसँग पनि छलफल नगरी गुरुयोजना बनाएकोमा गुनासो व्यक्त गर्नुभयो ।
उहाँले प्रदेश सरकारलेको अधिकार छैन भनेर मुख्यमन्त्री र सरकारलाई पन्छिन नहुने बताउनुभयो । बागमती प्रदेश सरकारले संघीय सरकारसँग वार्ता गरेर पशुपतिको गुरुयोजना पनि हुने र पुरै बस्ती पनि खाली नहुने गरी सहकार्य गर्नुपर्ने बताउनुभयो ।
पशुपति नाथको सुरक्षा प्रहरीले मात्र गर्न नसक्ने भन्दै पुरा बस्ती भएकै कारण पशुपतिनाथ सुरक्षित रहेको सांसद वैद्यको भनाई छ । प्रदेश सरकारले सबैको सल्लाह लिएर एउटा निचोडमा पुग्नुपर्ने सांसद वैद्यले बताउनुभयो । अहिलेको अवस्थामा पशुपति नाथको गुरुयोजना सरकारले अनुमोदन गरे पशुपती बासीहरु चुप नबस्ने र ललितपुरको खोकनामा भएको प्रहरीको दमन, लाठिचार्ज जस्तै गरेपनि संघर्ष गर्ने भन्दै उहाँले बागमती प्रदेश सरकारको ध्यानाकर्षण गराउनुभयो ।
