हेटौंडाः बागमती प्रदेश सरकारका मुख्यमन्त्री डोरमणि पौडेलले आज प्रदेशका सबै मन्त्रिहरुसँग कार्यसम्पादन सम्झौता गर्नुहुने भएको छ । आर्थिक वर्ष सुरु भएकै दिन मुख्यमन्त्री पौडेलले मन्त्रिहरुसँग कार्यसम्पादन सम्झौता गर्न लाग्नुभएको हो ।
प्रदेश सरकारले चालु आर्थिक वर्षका लागि तय गरेको नीति तथा कार्यक्रम प्रभावकारी रुपमा कार्यान्वयनका लागि कार्यसम्पादन सम्झौता गर्न लागिएको मुख्यमन्त्री कार्यालयले जनाएको छ । मुख्यमन्त्री कार्यालयमै आज मुख्यमन्त्रीले मन्त्रीहरुसँग कार्यसम्पादन सम्झौता गर्दैहुनुहुन्छ ।
