हेटौँडाः मकवानपुर क्योकुशिन कराँते संघ बालकुमारी आइकेओ युनियनको आयोजनामा भएको रक्तदान कार्यक्रममा २१ जनाले रक्तदान गरेका छन् । शनिबार हेटौंडा–४,स्थित हुप्रचौरमा भएको रक्तदान कार्यक्रममा १७ जना पुरुष र ४ जना महिलाले रक्तदान गरेका हुन् ।
कराँते संघले वार्षिक कार्यक्रम अनुसार हरेक वर्ष दशैंको अवसरमा रक्तदान कार्यक्रमको आयोजना गर्दै आएको छ । दशैंको समयमा अत्याधिक मात्रामा सवारी दुर्घटना हुने भएकोले घाइतेहरुले रगतको अभावमा ज्यान गुमाउने कुरालाई मध्यनजर गर्दै ५ वर्षदेखि रक्तदान कार्यक्रमको आयोजना गर्दै आएको छ । हेटौंडा उपमहानगरपालिका–१८, का वडाध्यक्ष अनिल बानियाँको प्रमुख अतिथ्य तथा कराँते संघका अध्यक्ष बुद्धिनाथ न्यौपानेको सभाध्यक्षमा रक्तदान कार्यक्रम भएको हो । रक्त सञ्चार केन्द्र हेटौंडाको प्राविधिक सहयोगमा भएको रक्तदान कार्यक्रममा संघका केन्द्रीय उपाध्यक्ष विष्णु श्रेष्ठको विशिष्ट आतिथ्य रहेको थियो ।
