हेटौंडाः खोलाले बगाई बेपत्ता भएका अकले माझी मृत फेला परेका छन्। माझी सोमवार बाराको कोल्हवी नगरपालिका–२स्थित बकैया खोलाको बगरमा मृत अबस्थामा फेला परेका मकवानपुर प्रहरीले जनाएको छ। घटनास्थलमा ईलाका प्रहरी कार्यालय निजगढ बाराबाट टोली खटी गई कानुनी प्रक्रिया पुरा गरी लास पोष्टमार्टमका लागी प्रादेशिक अस्पताल कलैया पठाईएको थियो।
उक्त शव रौतहटको चन्द्रपुर नगरपालिका –२ जुडिबेला टोल बस्ने अन्दाजी बर्ष–४२ का अकले कुस्वार माझीको रहेको भनी निजको बुवा भिमार कुश्वारले सनाखत गरी बुझिलगेको ईलाका प्रहरी कार्यालय कोहल्वीलाई उधृत गरि जिल्ला मकवानपुर प्रहरी कार्यालयले जानकारी दिएको छ।
माझीलाई गत शुक्रबार बकैया गाउँपालिका–६ जुईनास्थित ससुराली जाने क्रममा बकैया खोलाले बगाएको थियो। उनी निर्माणाधिन काठमाडौ –मधेश–तराई द्रुतमार्ग अन्तर्गत बकैया ६ स्थित जसपाल खण्डमा काम गर्दै आएका थिए।
