हेटौँडा : मकवानपुर प्रहरीले लागुऔषध गाँजासहित एक भारतीय नागरिकलाई पक्राउ गरेको छ।
शनिबार बिहान ११ बजे पूर्व-पश्चिम राजमार्ग अन्तर्गत हेटौँडा-१५, रातोमाटेमा हेटौँडाबाट पथलैयातर्फ जाँदै गरेको बी आर ०१ बी जे ८४८३ नम्बरको स्यान्ट्रो कारको सुरक्षा जाँच गर्दा २५ केजी ५ सय ग्राम लागुऔषध गाँजासहित भारतीय नागरिक २० वर्षीय आदित्य कुमारलाई पक्राउ गरिएको प्रहरीले जनाएको छ। मकवानपुर जिल्ला अदालतबाट १० दिनको म्याद लिई प्रहरीले आदित्य कुमारलाई हिरासतमा राखी अनुसन्धान गरिरहेको छ।
