हेटौंडाः हेटौंडा उपमहानगरपालिका–१०, गोरक्षेश्वर दिव्यधामस्थित संस्कृत वेद विद्यालयलाई खानेपानी फिल्टर हस्तान्तरण गरिएको छ । सोमबार पूर्वी नवलपरासी जिल्लाका बासिन्दा प्रमोद आचार्यले स्थानीय मधु पौडेलमार्फत विद्यालयलाई फिल्टर प्रदान गर्नुभएको हो ।
पौडेल सोमबार प्रधानाध्यापक गोपालकृष्ण अधिकारीलाई फिल्टर हस्तान्तरण गर्नुभएको थियो । हस्तान्तरण कार्यक्रममा विद्यालय व्यवस्थापन समितिका अध्यक्ष रामकृष्ण थापा, सदस्य सूर्य नेपाल र गीता श्रेष्ठलगायतको उपस्थिति रहेको थियो । विभिन्न संघसंस्था, स्थानीय व्यक्तिहरुले जन्मोत्सव, वार्षिकोत्सवको अवसरमा विद्यालयमा खाद्य सामग्री हस्तान्तरण गर्ने गरेको प्रधानाध्यापक अधिकारीले बताउनुभयो । विद्यालयले निरन्तर सहयोग पाइरहेको उहाँको भनाइ छ । हाल विद्यालयमा ३७ जना विद्यार्थी अध्ययनरत छन् ।
