हेटौंडाः पुर्वी मकवानपुरको बागमती गाउँपालिका–४, पाँचपाण्डवस्थित बागमती पुल नजिकै स्कार्पियो दुघर्टना भएको छ । सोमबार बिहान ७ बजेर ५० मिनेटको समयमा धरान चतरा सडकखण्डस्थित उक्त स्थानमा बागमती बीएडी ७३४६ नम्बरको स्कार्पियो दुर्घटना भएको हो ।
सिन्धुलीबाट हेटौंडातर्फ आउने क्रममा मकवानपुर र सिन्धुली जोड्ने बागमती पुल नजिक स्कार्पियो आफै अनियन्त्रित भएर दुर्घटना हुँदा ५ जना घाइते भएका छन् । घाइते हुनेहरुमा स्कार्पियो चालक उदयपुरको कटारी नगरपालिका–४ का ३६ वर्षीय दीपक परियार, सवारहरु सोही ठाउँका ५३ वर्षीय राजिव थापा, ४७ वर्षीय पुष्पा थापा, मोरङको विराटनगर महानगरपालिका–१६ का ६८ वर्षीय हरी थापा र सोही ठाउँकी ६५ वर्षीय लक्ष्मी थापा घाइते भएका छन् । घाइतेमध्ये लक्ष्मीको अवस्था गम्भीर र अन्य सबैको अवस्था सामान्य रहेको प्रहरीले जनाएको छ । घाइतेहरुलाई स्थानीय सान्भी पोलिक्लिनिक मेडिकलमा सामान्य उपचार पश्चात थप उपचारको लागि हेटौंडा अस्पतालमा ल्याइएको छ ।
