हेटौंडाः पूर्व–पश्चिम राजमार्गअन्तर्गत मनहरी गाउँपालिका–७, बिजौनामा सोमबार राती कारको ठक्करबाट मृत्यु भएका व्यक्तिको अझै सनाखत हुन सकेको छैन । नारायणगढबाट हेटौंडातर्फ जाँदै गरेको बा २१ च ६६४२ नम्बरको कारले सोमबार राती ८ बजेर ३५ मिनेटको समयमा ठक्कर दिँदा अन्दाजी ५० वर्षको पुरुषलाई ठक्कर दिएको इलाका प्रहरी कार्यालय मनहरीले जनाएको छ ।
दुर्घटनामा परी गम्भीर घाइते भएका व्यक्तिको उपचारका लागि हेटौंडास्थित चुरेहिल हस्पिटल लैजाने क्रममै मृत्यु भएको हो । प्रहरीले ठक्कर दिने कारलाई हेटौंडा–१९, नेवारपानीबाट नियन्त्रणमा लिएको थियो । प्रहरीले कार र चालक हेटौंडा–७ का गोकुलप्रसाद पौडेललाई नियन्त्रणमा लिएको छ ।
