हेटौंडाः हेटौंडा–४, अजरअमर रोडस्थित एक रेन्टुरेन्टबाट नगद र गहना चोरी भएको छ । बुधबार होटल खुशी एण्ड रेष्टुरेन्टबाट नगद र गहना चोरी भएको हो ।
रेष्टुरेन्टका सञ्चालक विश्वास लामाका अनुसार बुधबार दिउँसो १ बजेर ६ मिनेटको समयमा अपरिचित एक महिलाबाट उक्त नगद र गहना चोरी भएको हो । रेष्टुरेन्टबाट ६० हजार रुपैयाँ नगद र एक तोलाको गहना चोरी भएको सञ्चालक लामाले दाबी गर्नुभएको छ ।
चोरीको खबर प्राप्त भएपछि प्रहरीले घटनाको अनुसन्धान थालेको छ । उक्त रेष्टुरेन्ट र बाहिरका सीसीक्यामेरा चेक गर्दा पनि महिलाको पहिचान गर्न नसकेको प्रहरीको भनाई छ । घटनाबारे थप अनुसन्धान भइरहेको प्रहरीले जनाएको छ ।
